Dy të rinj bien në prangat e Policisë së Durrësit

Dy persona kanë përfunduar në prangat e Policisë së Durrësit pasi akuzohen për vepra penale të ndryshme.

Në pranga ra M. C., 20 vjeç pasi gjatë kontrollit në makinën që drejtonte u gjet kanabis.

Ndërkohë u arrestua edhe një 26-vjeçar, të cilit blutë i sekuestruan një përforcuese grushti dhe një shkop metalik, si ata të Policisë.

NJOFTIMI

Durrës/Vihen në pranga 2 shtetas, për vepra të ndryshme penale.

Specialistët për Hetimin e Trafiqeve të Paligjshme dhe Narkotikëve të DVP Durrës arrestuan në flagrancë shtetasin M. C., 20 vjeç, banues në lagjen nr. 17, pasi gjatë kontrollit në automjetin që drejtonte 20-vjeçari, shërbimet e Policisë gjetën dhe sekuestruan një sasi të vogël lënde të dyshuar lëndë narkotike kanabis. Specialistët për Hetimin e Krimeve të Komisariatit të Policisë Durrës arrestuan në flagrancë shtetasin A. H., 26 vjeç, banues në Durrës, pasi gjatë kontrollit në automjetin që drejtonte 26-vjeçari, shërbimet e Policisë gjetën dhe sekuestruan një përforcuese grushti dhe një shkop metalik, si ata të Policisë. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.