Një 23-vjeçar është arrestuar nga Policia e Kukësit, pasi dyshohet se përplasi tre fëmijë të mitur në afërsi të spitalit të këtij qyteti. Sipas informacioneve të policisë, pas aksidentit, shtetasi me inicialet A. L., është larguar nga vendi i ngjarjes duke braktisur automjetin. Ngjarja ka ndodhur më datë 2 janar, ndërsa i riu ishtë shpallur në kërkim.
“Ky shtetas ishte shpallur në kërkim nga DVP Kukës, për veprat penale ‘Shkelja e rregullave të qarkullimit rrugor’ dhe ‘Largimi nga vendi i aksidenti’, pasi më datë 02.01.2022, në afërsi të spitalit të Kukësit, duke drejtuar mjetin tip “Volksëagen”, pa targa dhe dokumentacion, ka humbur kontrollin e mjetit dhe për pasojë ka aksidentuar tre shtetas të mitur, të moshave 12, 16 dhe 17 vjeç, dhe më pas është larguar nga vendi i ngjarjes duke braktisur automjetin”, thuhet në njoftimin e policisë.
Materialet i kaluan Prokurorisë së Rrethit Gjyqësor Kukës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
