Një 24-vjeçare ka ndërruar jetë në Durrës pasi është vetëhedhur nga ballkoni i shtëpisë. Akti i rëndë mësohet të ketë ndodhur, pasi e reja ka debatuar me bashkëshortin e saj për motive të dobëta dhe më pas është hedhur nga ballkoni i shtëpisë.
Nga ana e Policisë është arrestuar dhe bashkëshorti i viktimës.
Referuar njoftimit të Policisë, është arrestuar në flagrancë shtetasi A. Gj., 31 vjeç, banues në Durrës, pasi mbrëmjen e djeshme, në banesë, gjatë një konflikti për motive të dobëta me bashkëshorten e tij, shtetasen A. Gj., 24 vjeçe, banuese në Durrës, dyshohet se kjo e fundit është vetëhedhur nga ballkoni i banesës dhe për pasojë ka ndërruar jetë.
Materialet i kaluan Prokurorisë së Rrethit Gjyqësor Durrës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
