Shpërthen bombola e gazit në një karburant në Durrës, plagosen dy punonjësit

Një shpërthim ka ndodhur ditën e sotme pranë një karburanti në lagjen nr.14 në Durrës.  

Raportohet pse si pasojë e rrjedhjes së gazit, ka shpërthyer bombola, e cila ka lënduar dy punonjësit e pikës së shitjes.

Nga shpërthimi janë dëmtuar punonjësi i pikës së karburantit dhe shoferi i botit që i furnizonte, të cilët janë tashmë jashtë rrezikut për jetën.

Durrës/Informacion paraprak

Rreth orës 11:00, në lagjen nr.14 Durrës, në një pikë shitjeje, si pasojë e rrjedhjes së gazit ka shpërthyer një bombël gazi.

Për pasojë janë dëmtuar punonjësit e pikës së shitjes, shtetasit R. K., 25 vjeç dhe E. K., 41 vjeç, të cilët ndodhen nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.