Në vijim të operacionit të koduar “Perimetri”, ka rënë në prangat e policisë 35-vjeçari që transportonte 21 emigrantë të paligjshëm, ndihmë për kalim drejt vendeve të Bashkimit Evropian.
Përkatësisht policia e Pogradecit ka arritur të arrestojë në flagrancë shtetasin E. Sh.. Ky i fundit po ndiqte itinerarin Pogradec-Qafë Thanë.
Në mjetin tip furgon të markës “Benz”, kishte fshehur emigrantët të cilët kundrejt një shpërblimi u ishte premtuar kalimi drejt Perëndimit.
Gjatë shoqërimit për në Komisariatin e Policisë, emigrantët e paligjshëm duke dashur të dilnin nga fugoni kanë hapur derën me forcë dhe kanë mundur të largohen duke u shpërndarë nëpër qytet.
Aktualisht, pas neutralizimit të tyre nga ana e policisë ata ndodhen në ambientet e Komisariatit për procedurat e mëtejshme.
Ndërkohë materialet i kaluan Prokurorisë së Rrethit Gjyqësor Pogradec për veprën penale “Ndihma për kalim të paligjshëm të kufijve” kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
