Policia e Lushnjës ka arrestuar një 27-vjeçar nën akuzën e vjedhjes. Sipas burimeve, shtetasi me inicialet F.D., i vodhi çantën me sende personale një 25-vjeçareje nën kërcënimin e thikës.
Ngjarja ka ndodhur ditën e djeshme, ku policia është njoftuar se në afërsi të fshatit Dushk, një shtetas nën kërcënimin e një mjeti të mprehtë (thikë), i ka marë çantën me sendet personale shtetases A. B., 25 vjeçe.
Menjëherë pas denoncimit, Policia bëri të mundur identifikimin, kapjen dhe arrestimin e autorit të dyshuar, shtetasit F. D., 27 vjeç, banues në Dushk, Lushnjë. Materialet i kaluan Prokurorisë pranë Gjykatës së Shkallës së Parë Lushnje për veprën penale “Vjedhje me dhunë”.
Por si ndodhi në të vërtetë ngjarja? Burimet nga policia thanë se 25-vjeçarja bashkë me të dashurin e saj kishin ndaluar me makinë në afërsi të tokave bujqësore në fshatin Dushk, të Lushnjës. Së bashku, ata po kalonin disa momente intime, por që dikujt i kishte rënë në sy “kjo makinë e braktisur”.
Teksa ishte afruar, 27-vjeçari kishte vënë re që në makinë ndodheshin dy të rinj dhe ka menduar të mos kthehej duarbosh. Me vete mbante edhe një thikë, me të cilën ka kërcënuar çiftin e të rinjve duke u marrë sendet personale. Të gjendur në këtë situatë, të rinjtë janë detyruar të njoftojnë policinë pasi 27-vjeçari u mori çantën me sendet personale, disa edhe të “çmuara”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
