Beqiraj: Duhet ndarë përgjegjësia sipas profesionit të çdo anëtari të komisionit të koncesionit të sterilizimit.

Ish-zëvendës ministrja e Financave Irena Beqiraj deklaroi në emisionin Kronos së përgjegjësia për koncesionin e sterilizimit duhet ndarë. Për të nuk kanë përgjegjësi të njëjtë të gjithë antarët e komisionit, por duhet parë puna e secilit.

“Kam përshtypjen që ndahen detyrat dhe secili bën pjesën e tij sipas njohurive. Unë po ju pyes juve që kostoja është llogaritur gabim, siç pretendon media apo prokuroria, atëherë cfarë faj ka doktori apo juristi? N.q.s po themi që ka ndryshuar investimi, një nga të dhënat e investimit nga oferta deri tek nënshkrimi i kontratës, cfarë faj ka në këtë rast ekonomisti kur është një problem që duhet ta mbulonte juristi. Ata vërtet kanë një vendim kolegjial, por secili ka detyrat e veta . Duhet të jenë shumë të sigurt për opinionin që japin ku ata kanë ekspertizën. Mund të jesh ekonomist shumë i mirë por nuk do të thotë që di kostot e çdo produkti dhe çdo shërbimi.” tha ajo.