Dhunoi prindërit e bashkëshorit, në pranga 30-vjeçarja nga Kamza

Një 30-vjeçare ka rënë në prangat e policisë pasi ka ushtruar dhunë të vazhdueshme ndaj prindërve të bashkëshortit të saj.

B.P., 30 vjeç është arrestuar ditën e djeshme në ambientet e banesës së saj në zonën e quajtur “Kodër Kamëz”, pas denoncimit të bërë nga familjarët.

Ndaj dy të dhunuarve, të cilët janë prindërit e bashkëshortit të saj është lëshuar menjëherë një udhër mbrojtje.

Policia e Tiranës ka vënë në pranga edhe një 23-vjeçar, pasi gjatë kontrollit rutinë forcat “Shqiponja” kanë gjetur në makinën e tij një sasi lënde narkotike të dyshuar si kokainë.

23-vjeçari me iniciale W.H., është arrestuar në rrugën “Frank Bardhi” për veprën penale "Prodhimi dhe shitja e narkotikëve".

I denoncuar po ashtu për dhunë fizike, policia ka vënë në pranga gjithashtu  një 54-vjeçar nga Tirana, pasi  ka ushtruar dhunë ndaj bashkëshortes së tij.

54-vjeçari me iniciale I.B. është arrestuar në banesën tij, në rrugën “Teodor Keko”  për dhunë fizike dhe psikologjike në familje.

Ndërkohë që nga Specialistët e Qarkullimit Rrugor janë arrestuar 2 persona, 32 dhe 41 vjeç pasi  drejtonin automjetin në gjendje të dehur. Bëhet fjalë për Sh.Sh. 36 vjeç, B.P. 32 vjeç dhe A.D., 41 vjeç.