Aksident i shumëfishtë në aksin Lushnje- Vlorë, përplasen shtatë makina, tre të plagosur

Aksident me pasojë tre persona të plagosur ka ndodhur pasditen e sotme në autostradën Lushnje-Vlorë.

Ngjarja ka ndodhur pranë kthesës së Pojanit, ku mësohet se në aksident janë përfshirë shtatë automjete që udhëtonin në drejtim të Vlorës.

Si pasojë e përplasjes së fortë, tre persona kanë mbetur të plagosur dhe janë dërguar me urgjencë në Spitalin Rajonal të Fierit për trajtim mjekësor.

Policia ka mbërritur në vendngjarje dhe po punon për zbardhjen e shkaqeve të aksidentit, si dhe për normalizimin e trafikut në zonë.