Përvetësoi 12 mijë euro, “Mikro” kap në Tiranë të shpallurin në kërkim për mashtrim

Një person i shpallur në kërkim për mashtrim, është vënë në prangat e policisë së Tiranës.

Specialistët e Seksionit të Kërkimit, në bashkëpunim me Seksionin për Hetimin e Krimit Ekonomik dhe Financiar, bazuar në informacionet e siguruara për vendndodhjen e një personi në kërkim, organizuan operacionin policor të koduar “Mikro”.

Si rezultat i këtij operacioni, në rrugën “Hoxha Tasim”, është kapur dhe ndaluar shtetasi Krenar Begaj, 50 vjeç, i cili është dënuar nga Gjykata e Tiranës, me 3 vjet e 4 muaj burgim, për veprën penale “Mashtrimi”.

50-vjeçari ka përvetësuar, nëpërmjet mashtrimit, shumën prej 12 mijë euro, nga një shtetas, me pretendimin se do t’i blinte një automjet.

Ndaj të ndaluarit materialet i kaluan Prokurorisë, për veprime të mëtejshme.