Një plagosje me armë zjarri ka ndodhur mbrëmjen e djeshme në lagjen numër 9 të Durrësit, e njohur edhe si lagjja e re.
Burime nga policia bëjnë me dije se bëhet fjalë për Fabion Kuçi, i njohur si Gucci në rrjetet sociale, ndërsa është jashtë rrezikut për jetën në spital.
Ndërkohë Policia e Durrësit ka identifikuar autorin dhe po punon për arrestimin e tij.
Gazetarja Ervina Garo raportoi për "MCN Live" se i plagosuri Fabion Kuçi, shfaqet shpesh në rrjetin social TikTok, ndërsa më herët ka qenë i dënuar në Angli dhe ka kryer disa vite burg.
Para disa muajsh ai është kthyer në Shqipëri dhe dyshohet se plagosja e mbrëmjes së djeshme, ka nisur pas një konflikti në TikTok.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
