Ish-kreu i Gjykatës së Apelit të Krimeve të Rënda largohet përfundimisht nga sistemi i drejtësisë. Kolegji i Posaçëm i Apelimit ka lënë në fuqi vendimin e KPK për Petkun si subjekt i rivlerësimit, një vendim i marrë në prill të vitit të kaluar.
Në shkallën e parë të vetingut, Petku nuk arriti të justifikonte pasurinë. Gjyqtari kishte mungesë të burimeve të ligjshme, deklarim të rremë, fshehje pasurie për një të katërtën për tre troje e dy banesa. Por ajo që tërhoqi më shumë vemendjen ishte se në vitin 1996 familja Petku kishte kryer një transaksion prej 520 mijë dollarësh me firmën piramidale VEFA.
Petku ka drejtuar për katër vjet Gjykatën e Apelit për Krime të Rënda dhe mbahet mend si gjyqtar i proceseve të rëndësishme, si ai i VEFA-s dhe i Shullazit.
Vendimi i KPA është përfundimtar dhe ka efekt të menjëhershëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
