Një aksident i rënd ka ndodhur mbrëmjen e sotme në vendin e quajtur “Ura e Kardhiqit” në Gjirokastër.
Si pasojë e këtij aksidenti ka gjetur vdekjen e një personi i cili ishte duke ecur në momentin që është përplasur nga makina. Një automjet tip “Skoda”, me targa AA 591 KS, me drejtues shtetasin Leonard Matushaj, ka goditur një këmbësor, i cili ka gjetur vdekjen e menjëhershme.
Në vendngjarje ndodhen shërbimet policore dhe grupi hetimor për përcaktimin e shkaqeve të aksidentit.
Viktima nuk është identifikuar ende, pasi nuk i është gjetur mjet identifikimi me vete por sipas raportimeve të para ai është një 43 vjeçar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
