Tragjedia e 4 korrikut në një hotel, pronë e familjes Gjoka në Velipojë, ku pas shpërthimit të bombolës së gazit, mbeten të plagosur rëndë nëna dhe tre fëmijët e saj, ka rezultuar fatale edhe për nënën e cila sot ka ndërruar jetë.
Njoftohet se sot paradite, ka ndërruar jetë edhe 40-vjeçarja Alketa, nëna e familjes Gjoka, e cila u dëmtua gjatë shpërthimit të bombolave në Velipojë më 4 korrik.
Më 16 korrik kishte ndërruar jetë 15-vjeçarja Klarisa Gjoka, ku ajo bashkë me anëtarët e tjerë të familjes ishin dërguar në Itali për një trajtim më të specializuar.
Disa ditë më parë më 11 korrik, gjeti vdekjen edhe motra e saj e madhe Daniela Gjoka, 19-vjeç.
Nga katër të plagosurit, vetëm djali 12 vjeçari i familjes Gjoka arriti të dal jashtë rrezikut për jetën nga djegiet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
