63 njerëz u vranë dhe 182 të tjerë u plagosën nga një sulm me bombë vetëvrasëse në një ceremoni martese në kryeqytetin afgan natën e së shtunës, tha ministrja e brendshme, ndërkohë që dhuna nuk tregon asnjë shenjë lehtësimi, pavarësisht shpresave për një marrëveshje të mundshme në tërheqjen e trupave amerikane.
Sulmi erdhi ndërsa talibanët dhe Shtetet e Bashkuara po përpiqen të negociojnë një marrëveshje për tërheqjen e forcave të ShBA-së në këmbim të angazhimit të talibanëve për bisedime të sigurisë dhe paqes me qeverinë.
Zëdhënësi i ministrisë së brendshme, Nasrat Rahimi, tha se midis viktimave kishte gra dhe fëmijë. Mediat sociale u mbushën me fotografi nga skena e shpërthimit, të cilat tregonin ngado njolla gjaku dhe trupa të shpërndarë mes tryezave dhe karrigeve.
Talibanët mohuan përgjegjësinë dhe dënuan shpërthimin në sallën e dasmës në perëndim të Kabulit, por Presidenti Ashraf Ghani tha se militantët nuk mund t'i shpëtojnë fajit për sulmin "barbar".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
