Një 36-vjeçare e cila prej shtatë ditësh rezultonte e humbur është gjetur sot nga policia e Dibrës.
Policia thotë se shtetësja F.K banuese në njësinë Administrative Maqellarë- Dibër ishte larguar nga banesa e saj.
“Uniformat blu kanë vijuar kërkimet në mënyrë intensive për gjetjen e saj, ku krahas shërbimeve të Policësë Vendore ishin angazhuar edhe Polumbarët e Renea-s.
Pas 7 ditësh kërkimesh, Policia e Dibrës në bashkëpunim me familjarët e shtetases së lartë përmendur, gjatë ditës së djeshme kanë bërë të mundur gjetjen e saj, në një kodër pranë rezervuarit të fshatit Grezhdan”,tha policia.
Shtetasja F.K, është dërguar në Spitalin Rajonal Peshkopi, ku po merr ndihmë mjekësore dhe ndodhet jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
