“Forbidden” u kodua një operacion i policisë së Lezhës, gjatë të cilit u godit një rast i kultivimit të bimëve narkotike në ambiente të hapura, duke vënë në pranga një person.
I arrestuari është A. N., 53 vjeç, banues në fshatin Krajen, i cili u ndalua për veprat penale “Kultivimi i bimëve narkotike” dhe “Mbajtja pa leje e armëve sportive dhe gjuetisë”.
Prangosja e tij u bë pasi nga hetimi disa javor, rezultoi se kishte kultivuar në ambient të hapur, në fshatin Krajen, Lezhë, bimë të dyshuara narkotike kanabis, të cilat u asgjësuan me anë të djegies nga shërbimet e policisë.
Gjatë kontrollit të ushtruar në banesë, 53-vjeçarit iu gjetën dhe iu sekuestruan gjithashtu, një sasi fishekësh arme gjahu, pa leje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
