I vodhën paratë të moshuarit në Vlorë, familjarët hedhin poshtë ‘suksesin’ e policisë: I dorëzuam vetë

Të martën në mesditë policia e Vlorës në komunikatën e saj për media ka bërë me dije për arrestimin e tre të miturve që i vodhën një shumë parash një 70-vjecari.

Babai i njërit prej tyre, Selman Habilaj, babai i Arbër Habilaj thotë se djalin e tij e kanë dorëzuar në polici deri tek dera e komisariatit. Duke i kërkuar falje familjes dhe të moshuarit të dëmtuar nga vjedhja, Selman Habilaj kundërshton policinë duke thënë se e kanë deklaruar djalin si të arrestuar për të treguar që policia ka korrur sukses duke arrestuar të miturit.

Dhurata Habilaj halla e Arbër Habilajt tregon se nipin e saj ka qenë ajo që sëbashku me inspektorin e zonës që e kanë dorëzuar djalin vetëm 15-vjeç në polici. Dhurata tregon se ka bashkëpunuar me policinë gjithë kohës për ti dorëzuar djalin.

Në telefon ajo ka edhe komunikimet me inspektorin e lagjes ku ndihmon policinë në gjetjen e tij. Djali sipas saj është kthyer në shtëpi në datën 7 janar në ora 20:00 të mbrëmjes dhe në 20:20 e kanë dorëzuar në polici.

Albana Shabani nëna e të arrestuarit 16-vjecarit Paulo Kapllani thotë se edhe ajo djalin e saj e ka çuar tek dera e komisariatit. Ajo ka edhe një denoncim për policinë e Vlorës duke treguar se në automjet djalin e saj e kanë goditur.

Nëna e 16-vjeçarit thotë se kanë ushtruar dhunë mbi të për ta nxjerrë nga makina për të bërë videon që është transmetuar më pas në media. Albana Shabani pranon fajin e djalit por për krimin e kryer kërkonte më shumë privatësi.

Arbër Habilaj 15-vjeç dhe Paulo Kapllani u arrestuan pas vjedhjes së kryer të një shumë lekësh ndaj një 70-vjeçari. Me ta bashkëpunëtor dhe një tjetër i mitur. Djemtë janë të rritur jetim ku i mungon njëri prind. Arbër Habilaj me babain me aftësi të kufizuar të verbër.

Familjet jetojnë mes skamjes dhe varfërisë ku kushtet ekonomike dhe shoqëria e keqe si dhe përdorimi i lëndëve narkotike i bënë të miturit të kryejnë të tilla akte.