Një aksident me pasojë vdekjen është regjistruar sot, pranë Gjykatës Civile në Tiranë.
Sipas informacioneve paraprake, një autobot i UKT-së ka përplasur një grua që lëvizte me motor elektrik në bulevardin Bulevardi Gjergj Fishta.
Si pasojë e plagëve të marra, qytetarja ka ndërruar jetë në vendngjarje.
Ndërkohë, policia ka ndaluar drejtuesin e autobotit.
Grupi hetimor vijon punën për zbardhjen e plotë të rrethanave të aksidentit.
-Tiranë/Informacion paraprak
Rreth orës 10:30, në bulevardin “Gjergj Fishta”, automjeti (autobot) me drejtues shtetasin A. B, rreth 52 vjeç, dyshohet se ka përplasur motomjetin elektrik me të cilin lëvizte shtetasja A. B., rreth 72 vjeçe, e cila për pasojë ka humbur jetën.
Drejtuesi i automjetit është shoqëruar në Komisariat për veprime të metejshme procedurale.
Grupi hetimor ndodhet në vendngjarje dhe po punon për zbardhjen e rrethanave të aksidentit.
Materialet procedurale iu referuan Prokurorisë së Tiranës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
