Një person ka mbetur i plagosur me armë zjarri mbrëmjen e djeshme në qytetin e Bulqizës, ku në shënjestër ishte Alban Tançi.
Nga hetimet e kryera u identifikua dhe u shpall në kërkim Halit Bajraktari, 32 vjeç, banues në Bulqizë, i dyshuar për veprat penale “Vrasja, e mbetur në tentativë”, “Mbajtja pa leje dhe prodhimi i armëve, armëve shpërthyese dhe i municionit”.
Nga veprimet hetimore ka rezultuar se, për shkak të një konflikti të mëparshëm, Bajraktari ka tentuar të vrasë me armë zjarri pistoletë, duke e lënë të plagosur në këmbë Alban Tançin, 32 vjeç, i cili ndodhet në spital, jashtë rrezikut për jetën.
Aktualisht vijon puna për lokalizimin dhe kapjen e autorit, dhe vënien e tij përpara përgjegjësisë ligjore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
