Një ngjarje tronditëse është shënuar në Sarandë, ku një vajzë 15-vjeçare ka tentuar t’i japë fund jetës duke u hedhur nga kati i katërt i banesës së saj.
Fatmirësisht, tentativa nuk ka rezultuar fatale, pasi adoleshentja është penguar nga tenda e katit të tretë, duke shmangur goditjen e drejtpërdrejtë në tokë.
Ajo është dërguar me urgjencë drejt Spitalit të Traumës në Tiranë, dhe ndodhet jashtë rrezikut për jetën.
Sipas informacioneve, shkak i mundshëm i ngjarjes është bullizimi i vazhdueshëm nga bashkëmoshatarët.
Policia ka nisur menjëherë hetimet për të zbardhur rrethanat e plota dhe për të verifikuar pretendimet në lidhje me presionin psikologjik që mund t’i jetë ushtruar vajzës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
