Pas sulmit terrorist në Banjskë të Zveçanit, pikat kufitare në Bërnjak dhe Jarinjë vijojnë të jenë ende të mbyllura.
Qendra Kombëtare për Menaxhim Kufitar njofton se pikat e kalimit kufitar me Serbinë, vazhdojnë të jenë të mbyllura, pas sulmit terrorist që ndodhi më 24 shtator, në Banjskë të Zveçanit.
Në ndërkohë, pikat tjera kufitare po vazhdojnë të funksionojnë dhe se pritjet janë deri në pesë minuta.
Grupe të armatosura terroriste hynë në Kosovë dhe sulmuan Policinë e Kosovës, gjë që bëri që të mbyllen këto dy pika.
Policia dhe ky grup patën përleshje të armatosura, ku mbeti një polic i vrarë dhe një tjetër i plagosur.
Ndërsa, nga ana e sulmuesve mbetën tre të vrarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
