Rrok Pepaj, babai i Daniel Pepaj, autori i dyshuar vrasjes së dy të rinjve në Malësinë e Madhe, është arrestuar nga Policia.
Prej ditës së djeshme Rrok Pepaj po merrej në pyetje nga Policia për shkak të dyshohet se ka dijeni për vrasjen e Klement Pepajt dhe Vilson Çutajt nga djali i tij, Danieli. Ka qenë babai i Danielit ai që ka çuar Policinë në parcelën me hashash ku u gjetën dhe trupat e dy të rinjve që kërkoheshin prej ditësh.
Ata janë qëlluar me breshëri plumbash nga i dyshuari kryesor Daniel Pepaj. Mendohet se e gjitha ka nisur pasi dy viktimat kanë rrahur Danielin sepse dyshonin se u kishte vjedhur hashashin nga parcelat. Ky i fundit, në shenjë hakmarrje, pak ditë më pas i thënë Vilsonit dhe Klementit, të dy të afërm të tij, se do i çonte në vendin ku kishte fshehur hashashin e vjedhur.
Kur kanë arritur në pyjet e fshatit Vrith të Malësisë së Madhe, Daniel Pepaj ka qëlluar për vdekje Vilson Çutajn dhe Klement Pepajn dhe dyshohet se menjëherë është arratisur në Malin e Zi.
Mësohet se Pepaj, është vënë në pranga mëngjesin e sotëm. Policia e Shkodrës ka mbërritur në familjen e Pepajt që është ngujuar prej ditës se djemshme, për të vënë në pranga kryefamiljarin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
