Policia e Vlorës ka bërë të ditur arrestimin e 63-vjeçarit S.D në Vlorë, i cili dy ditë më parë plagosi me armë motrën e tij.
Bëhet me dije se në pranga ka rënë Set Danaj, i cili pak ditë më parë me armë gjahu çifte plagosi motrën e tij, Bukuroshe Hoxhajn, 63-vjeçari në gjendje të dehur qëlloi motrën dhe u largua nga vendi i ngjarjes, dy ditë pas ngjarjes policia ka bërë të mundur arrestimin e tij.
Njoftimi i policisë:
Në vijim të veprimeve hetimore të kryera për ngjarjen e ndodhur në datën 02.07.2021, në fshatin Bishan, Vlorë, nga specialistët për Hetimin e Krimeve në Komisariatin e Policisë Vlorë u bë ndalimi për veprat penale “Vrasja për shkak të rrethanave familjare”, mbetur në tentativë dhe “Prodhimi dhe mbajtja pa leje e armëve të gjuetisë dhe sportive”, i shtetasit S. D., 63 vjeç, banues në fshatin Bishan. Ndalimi i këtij shtetasi u bë pasi më datë 02.07.2021, gjatë një konflikti për motive të dobëta dyshohet se nën efektin e alkoolit ka plagosur me armë gjahu (çifte), në pjesën e këmbëve, motrën e tij, shtetasen B. H., 66 vjeçe, e cila ndodhet në spital, jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
