Gjykata kërkon të ngrihet grup prej tre ekspertësh të Institutit të Mjekësisë Ligjore për të shqyrtuar dokumentacionin e gjendjes shëndetësore të Safet Gjicit.
Në Gjykatën e Shkallës së Parë të Juridiksionit të Përgjithshëm Elbasan u zhvillua seanca gjyqësore e radhës për të shqyrtuar kërkesën e ish-kryebashkiakut të Kukësit Safet Gjici për lirimin nga burgu për shkaqe shëndetësore dhe vuajtjen e dënimit të mbetur në shtëpi Safet Gjici nuk ka preferuar të jetë i pranishëm në seancë dhe ka kërkuar të përfaqësohet nga avokati Markelian Jançe. Aktualisht Safet Gjici ndodhet në spitalin “Hygeia”.
Nga institucioni i IEVP Lushnje dhe institucionet e tjera Gjykatës i është vënë në dispozicion dinamika e problemeve shëndetësore së bashku me ekzaminimet mjekësore që administron spitali privat. Gjykata ka kërkuar që të ngrihet një grup ekspertësh të
IML të kryejë ekspertizën e ekzaminimeve mjekësore të kërkuesit Safet Gjici. Ndërkohë seanca e radhës do të mbahet më 14.11.2024 në orën 11.45.
Kujtojmë se Safet Gjici është dënuar për shpërdorim detyre dhe korrupsion pasiv.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
