Në kërkim për kultivim të bimëve narkotike, arrestohet 23-vjeçari në Shkodër

Një 23-vjeçar i shpallur në kërkim për kultivim të bimëve narkotike është arrestuar në Shkodër.

Burimet zyrtare bëjnë me dije se i arrestuari është identifikuar me inicialet E.Gj.

Ndaj tij Gjykata e Shkallës së Parë Shkodër ka vendosur masën e sigurisë “Arrest me burg”, për veprën penale “Kultivim i bimëve narkotike”.

Gjatë kontrollit të ushtruar në banesën e këtij shtetasi u gjet dhe u sekuestrua një sasi municioni luftarak.

Materialet shtesë u referuan në Prokurorinë pranë Gjykatës së Shkallës së Parë Shkodër, për veprat penale “Kultivimi i bimëve narkotike” kryer në bashkëpunim dhe “Mbajtja pa leje e armëve luftarake dhe e municionit”.