Një aksident rrugor është shënuar mbrëmjen e sotme në lagjen “Dëshmorët e Kombit”, në qytetin e Beratit. Sipas informacioneve paraprake, ngjarja ka ndodhur në afërsi të shkollës Kristaq Capo, ku mjeti tip “Benz” dhe makina tjetër tip “Audi” janë përplasur me njëra-tjetrën.
Si pasojë e aksidentit janë lënduar lehtë dy drejtuesit e mjeteve. Ata janë dërguar për mjekim në Spitalin Rajonal të Beratit dhe janë jashtë rreziku për jetën.
Në vendngjarje kanë shkuar efektivët e policisë dhe kanë nisur hetimet për zbardhjen e shkaqeve të aksidentit. Paraprakisht, mendohet se shkak për këtë aksident është bërë shpejtësia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
