Një vatër e madhe zjarri është aktivizuar sot në bashkinë e Finiqit, që ndodhet 20 kilometra nga Saranda, duke djegur gjithë sipërfaqen bimësore të parkut arkeologjik të Finiqit.
I pranishëm në Parkun Arkeologjik ishte edhe ministri i Mbrojtjes Pirro Vëngu i shoqëruar nga kryetarët e bashkive Finiq dhe Delvinë si dhe prefekti i Vlorës, Kristo Kiço.
Vëngu tha se është mbrojtur e gjithë pasuria kulturore dhe arkeologjike e Parkut Arkeologjik të Finiqit, ndërsa e konsideroi si një natë vigjilence këtë të sotmen, për të pasur vëmendjen maksimale për vatrat e zjarrit.
Ministri i Mbrojtjes tha se në operacion u angazhuan 8 mjete zjarrfikëse, 40 efektivë të forcave zjarrfikëse, 65 forca të armatosura, që bënë të mundur izolimin e vatrave dhe minimizimin e forcës së flakëve përreth zonave të banuara.
Jemi në parkun Aerologjik të Finiqit, që prej mesditës kemi patur një situatë problematike në bashkitë e Finiqit dhe Delvinës. Jemi përqendruar me FA dhe mjete zjarrfikëse të gjitha bashkitë e të dyja qarqeve. 8 mjete zjarrfikëse dhe 40 forca zjarrfikësve nga bashkitë dhe 65 fa të dislokuara. Forcat ajrore kanë bërë frenimin e vatrave në zonat e banuara.
Është bërë e mundur mbrojtja nga flakët e të gjithë pasurisë kulturore në Parkun Arkeologjik. Kemi patur një koordinim të mirë. Do jetë një natë vigjilence.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
