“21 janari”/ Llabani: Prokuroria i ka marrë përgjigjet nga Roma mbi fishekun. Nëse çështja shkon në SPAK do kemi të penduar

Duke folur mbi çështjen e 21 janarit, analistja Anduena Llabani beson që çështja nuk do të kthehet në SPAK, por do t’i mbetet Prokurorisë së Tiranës.

Llabani thotë që nëse çështja rikthehet në Prokurorinë e Posaçme do të kemi persona të penduar. Sipas saj organi i akuzës i ka marrë përgjigjen mbi fishekun nga Roma, por laboratori ka kërkuar edhe armët nga të cilat kanë dalë gëzhojat. 

Prokuroria e Tiranës e ka marrë përgjigjen e fishekut nga Roma, por laboratori ka kërkuar armët nga të cilat kanë dalë këto gëzhoja. Nuk na tregohet nëse janë 1, 2 apo sa armë ka. 21 janari ka vetëm këtë provë të vetme. Në lidhje me provat e reja, prokurorët kanë kërkuar me insistim që kjo provë t’u vihet në dispozicion, me një pretendim, nuk kemi si ta japim provën ty se s’kemi besim, duam t’ia japim Altin Dumanit. Nuk besoj se çështja sot do të kthehet në SPAK. Do t’i mbetet për hetim Prokurorisë së Tiranës. Nëse çështja do rikthehet, për 21 janarin do kemi persona të penduar”.