Instituti Kombëtar i Shëndetit Publik ka njoftuar për pesë të vdekur e 318 raste pozitive në 24 orët e fundit në Kosovë. Rastet e vdekjeve janë nga Gjakova (80 vjeç), Kamenica (65 vjeç), Kaçaniku (72 vjeç), Prizreni (72 vjeç) dhe Vushtrria (80 vjeç).
Rastet e fundit pozitive prej 318 të infektuarëve, kanë rezultuar nga kryerja e 2.303 mostrave të dyshimta. Rastet pozitive janë nga komunat: Prishtinë 121 raste, Prizren 38 raste, Gjakovë 23 raste, Pejë 17 raste, Suharekë 16 raste, Gjilan 11 raste, Mitrovicë 11 raste, Ferizaj 10 raste, Podujevë 10 raste, Fushë-Kosovë 9 raste, Deçan 8 raste, Rahovec 8 raste, Vushtrri 8 raste, Lipjan 6 raste, Obiliq 4 raste, Istog 3 raste, Kamenicë 3 raste, Drenas 2 raste, Kaçanik 2 raste, Klinë 2 raste, Skenderaj 2 raste, Viti 2 raste dhe me nga 1 rast komunat Dragash dhe Malishevë.
Me këtë, numri i rasteve nga fillimi i pandemisë është rritur në 61.404, kurse i vdekjeve si pasojë e COVID-19 në 1.514.
Gjatë 24 orëve të fundit janë shëruar 214 pacientë, sipas IKSHPK-së, ndërkohë që raste aktive janë 6.659.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
