Katedralja Notre Dame nuk ishte në gjendje të mbajë meshën në prag të Krishtlindjes për herë të parë në më shumë se 200 vjet pasi një zjarr shkatërroi strukturën e saj në prill të këtij viti.
Në vend të kësaj, katolikët francezë u mblodhën në kishën e Saint-Germain l’Auxerrois, disa qindra metra larg nga monumenti i Parisit, për një shërbim të kremtuar nga rektori i katedrales Patrick Chauvet, raporton theGuardian.
"Nuk është e njëjta ndjenjë por është ende një meshë e Krishtëlindjes," tha 16 vjeçarja Juliette, e cila kishte bërë udhëtimin 700 km (435 milje) nga Aix-en-Provence me familjen e saj.
Gjatë historisë së Francës, në këtë katedrale, festat janë kremtuar edhe në kohërat më të errëta të vendit, përfshi luftërat, përjashtuar kohën e Revolucionit.
Ndërkohë, vijon puna për rindërtimin e saj dhe sikurse ka deklaruar Presidenti Macron, ai do të zgjasë për 5 vjet me një kosto të mbledhur prej gati 1 miliard eurosh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
