Policia e Elbasanit, mëngjesin e sotëm ka vënë në pranga tre shtetas për kultivim të të lëndëve narkotike cannabis sativa. Ndërsa ka shpallur në kërkim dy shtetas të tjerë.
Bëhet me dije se shtetasit e arrestuar Mevlan Balla 32 vjeç, Dashamir Balla 39 vjeç dhe Federik Gaçi 47-vjeç, pasi tentuan të kultivonin kanabis në një zonë të pyllëzuar në fshatin Krrabë e Vogël.
Shtetasit L. B., 30 vjeç dhe I. B., 83 vjeç, banues në fshatin Krrabë e Vogël, janë shpallur në kërkim.
Policia ka sekuestruar fara kanabisi, bimë narkotike kanabis dhe municion.
Gjatë kontrollit të ushtruar nga shërbimet e Policisë në banesën e shtetasit I. B. janë gjetur dhe sekuestruar në cilësinë e provës materiale 26 fishekë dhe fara kanabisi.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
