Policia e Beratit ka arrestuar dy shtetas dhe ka sekuestruar mbi 4 kilogramë kanabis, duke goditur dy tentativa për shitjen e lëndëve narkotike në afërsi të shkollave në Kuçovë dhe Moravë.
Ky është rezultati i dy fazave të operacionit të koduar “Perimetri”, i cili erdhi pas një hetimi proaktiv me metoda operative në bashkëpunim me Prokurorinë. Policia ka sekuestruar mbi 4 kilogramë lëndë narkotike Cannabis Sativa, si dhe një shumë parash dhe 2 celularë.
Gjatë aksionit u prangosën shtetasit A. G., 46 vjeç, të cilit, në banesë në Kuçovë, iu gjetën 3.95 kg lëndë e dyshuar narkotike Cannabis Sativa (një pjesë, në doza), që dyshohet se posedohej me qëllim shitjen në afërsi të shkollave në Kuçovë.
Ndërkohë u vu në pranga edhe shtetasi G. Ç., 19 vjeç, banues në fshatin Moravë, i cili u kap në flagrancë nga shërbimet e Komisariatit dhe të DVP Berat, ku gjatë kontrollit iu gjetën me vete dhe në banesë sasi dhe doza lënde të dyshuar narkotike Cannabis Sativa, si dhe një shumë lekësh e dyshuar e përfituar nga shitja e tyre.
Materialet procedurale iu referuan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
