Një aksident rrugor ka ndodhur paraditen e sotme në zonën e Lungomares në Vlorë.
Sipas informacioneve nga korrespondentja e MCN, ngjarja ka ndodhur pranë një kalimi për këmbësorë, ku një automjet tip Renault, i drejtuar nga një 70-vjeçar, ka përplasur një grua rreth 60 vjeçe, e cila po kalonte rrugën mbi vijat e bardha.
Gruaja e lënduar është transportuar menjëherë në spitalin rajonal të Vlorës. Deri tani, nuk është bërë e ditur gjendja e saj shëndetësore.
Policia ka mbërritur në vendngjarje dhe ka nisur hetimet për të sqaruar rrethanat e aksidentit.
Drejtuesi i mjetit është shoqëruar në komisariat për veprime procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
