Një aksident i rëndë rrugor është regjistruar mbrëmjen e kësaj të mërkure në zonën e Tragjasit, në Vlorë, duke shkaktuar shqetësim dhe ndërhyrje të menjëhershme të shërbimeve të emergjencës.
Sipas informacioneve paraprake, një automjet është përplasur me disa bagëti të imta që ndodheshin në rrugë, duke bërë që drejtuesi i mjetit të humbasë kontrollin. Si pasojë e përplasjes, një person ka mbetur i plagosur rëndë.
Menjëherë pas njoftimit, në vendngjarje kanë mbërritur forcat e policisë dhe ekipet e ndihmës së shpejtë. I lënduari është transportuar me urgjencë drejt spitalit për të marrë trajtim mjekësor, ndërsa gjendja e tij raportohet kritike.
Ndërkohë, policia po vijon punën për të zbardhur rrethanat e plota të aksidentit, si dhe për të përcaktuar përgjegjësitë lidhur me praninë e bagëtive në rrugë, një problem që vijon të mbetet shqetësues për sigurinë rrugore në zonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
