Drejtori i Përgjithshëm i Policisë së Shtetit, Skënder Hita, ka shkuar në Sarandë pasditen e sotme, ku po zhvillon një mbledhje urgjente me drejtuesit vendorë të policisë.
Ngjarja e rëndë e ditës së sotme dhe ato të muajve të fundit duket se e kanë detyruar Hitën të mbledhë uniformat blu në qytetin bregdetar pasi situata e krimit ka agravuar.
Gjatë analizës, Hita kërkoi hetime të shpejta dhe të thelluara, si dhe një skanim tërësor të situatës operative, nga evidentimi i konflikteve më të mprehta deri te konfliktet më të vogla, identifikimin e personave me precedent, si dhe të kontingjentit kriminal që është në zonë, por edhe atij shëtitës.
Nga atentati me armë zjarri mëngjesin e sotëm në qendër të Sarandës, pranë ish-agjencisë së vjetër, mbeti i vrarë 42-vjeçari Artan Myrtaj.
Në momentin e atentatit, viktima ishte i shoqëruar nga nëna e tij. Plumbat e goditën 44-vjeçarin, i cili humbi jetën në vendngjarje.
Ndërkohë, nga të shtënat mbeti i plagosur një kalimtar tjetër i rastit Xhevdet Skëndaj, i cili u dërgua për ndihmë mjekësore.
Viktima njihej ndryshe edhe me nofkën “Tani Ruzhdiut”, dhe rezulton si i përfshirë në një ngjarje kriminale të ndodhur në 17 korrik 2025 në lagjen nr.4 të Sarandës, ku u plagosën me armë zjarri Ernest Lama dhe Gëzim Hajdaraj nga Kamza.
Ngjarja ndodhi në 2025 për një pronë në vijën bregdetare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
