Prej disa ditësh ka nisur vetingu në Policinë e Shtetit. Ditën e sotme është konfirmuar në detyrë Ndue Doçi, Drejtor i Drejtorisë Vendore të Kufirit dhe Migracionit në Gjirokastër.
Doçi u emërua në këtë post në dhjetor të vitit 2022, ndërsa më herët ka qenë Drejtor i Drejtorisë Vendore për Kufirin dhe Migracionin, Durrës.
Ndërkohë më herët u konfirmuar në detyrë, drejtori i Policisë Shkodër, Edmond Sulaj.
Vetëpastrimi i Policisë së Shtetit ka nisur procesin dje, me subjektet e vlerësimit kalimtar, që pas ndryshimeve të fundit ligjore, kryhen nga Trupa e Vlerësimit që është ngritur pranë Agjencisë së Mbikëqyrjes Policore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
