Gjatë kontrolleve të befasishme në Mamurras, RENEA ka bërë të mundur edhe ndalimin Astrit Seferin, autorin e plagosjes së katërfishtë në 2017-ën në Laprakë.
Gjykata e Rrethit Gjyqësor Tiranë i ka vendosur Seferit, masën e sigurimit personal “Arrest në burg” për veprat penale “Vrasje në rrethana të tjera cilësuese’’, e mbetur në tentativë, e kryer në bashkëpunim dhe “Armëmbajtja pa leje”.
Në vitin 2017, 36-vjeçari gjatë një konflikti ka plagosur me armë zjarri katër persona në bashkëpunim me vëllain e tij.
Në Mamurras, gjatë kontrolleve të befasishme është kapur dhe ndaluar nga RENEA, një person me rrezikshmëri të lartë shoqërore, shtetasi A. S., 36 vjeç, autor i plagosjes së 4-fishtë në 2017, i shpallur në kërkim nga DVP Tiranë. Gjykata e Rrethit Gjyqësor Tiranë i ka vendosur masën e sigurimit personal ‘’Arrest në burg” për veprat penale “Vrasje në rrethana të tjera cilësuese’’, e mbetur në tentativë, e kryer në bashkëpunim dhe “Armëmbajtja pa leje”. Ky shtetas, në vitin 2017, në Laprakë, në bashkëpunim dhe me vëllain e tij, gjatë një konflikti për motive të dobëta, ka plagosur me armë zjarri 4 shtetas.
Si ndodhi plagosja e katërfishtë në 2017
Arben Seferi ka pasur konflikt me shtetasin Eljon Leka, teksa të dy janë takuar në një lokal në lagjen e tyre. Arben Seferi pas debatit verbal ka nxjerrë armën e zjarrit dhe ka qëlluar në drejtim të Eljon Lekës. Plumbat e zjarrit kanë lënë të plagosur Eljon Lekën dhe tre klientë të lokalit të cilët nuk kishin asnjë lidhje me konfliktin.
Autori Arben Seferi fillimisht ka shkuar tek lokali i tij dhe i ndihmuar nga i vëllai, Astrit Seferi, ka mundur të largohet në drejtim të paditur. Policia me pas shpalli në kërkim të dy vëllezërit Seferi dhe një bashkëpunëtor të tyre.
Ndalimi me shumë bujë i dy vëllezërve nga policia, u realizua në kushte të vështira në 2019, pasi vëllezërit fillimisht kanë shfaqur rezistencë ndaj uniformave, të cilat u detyruan të qëllojnë disa herë në ajër, duke bindur dy vëllezërit që të mos bëjnë më rezistencë dhe të dorëzohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
