Kanë kaluar dy ditë dhe ende asnjë shenjë jete nga Arjan Sala, shefi i sigurimit në qendrën tregtare të “Casa Italia” i cili u fut në magazinë për të shuar zjarrin me një bombul në dorë.
Ndërkaq sonte një i afërm i 33-vjeçarit Sala, është futur të kërkojë të riun.
I afërmi është futur bashkë me ekipin e zjarrfikëses, për të kërkuar nëpër rrobat e djegura. Pasi nuk kanë gjetur dot gjë, ekipi i zjarrfikëses ka dalë, ndërsa i afërmi i Salës nuk ka pranuar të dal nga magazine e djegur.
“Nuk dal që këtu, nuk dal pa e gjetur,”-mësohet të ketë thënë ai dhe prej një ore vijon të jetë brenda magazinës.
Pasditen e djeshme, është aktivizuar edhe ushtria për të ndërhyrë me grupe të specializuara për të gjetur 33-vjeçarin por ende asnjë shenjë prej tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
