Ministri i Rindërtimit Arben Ahmetaj i bën thirrje qytetarëve që kanë banesa të dëmtuara nga tërmeti i 26 nëntorit të aplikojnë në platformën “Shtëpia ime”, pasi faza e parë mbyllet në 28 shkurt.
Ahmetaj bën me dije se deri tani kanë aplikuar 12,668 qytetarë në sportelet e dedikuara praë bashkive përkatëse.
“12,668 qytetarë kanë aplikuar në sportelet e dedikuara të platformës "Shtëpia ime", pranë bashkive dhe njësive administrative ku banojnë, për të përfituar nga programet e Rindërtimit.
Ritmi i aplikimeve tashmë ka kapërcyer mbi 2 mijë në ditë.
Duke iu rikujtuar se faza e parë e aplikimeve mbyllet në 28 shkurt, i ftoj qytetarët që ende nuk kanë aplikuar, të bëhen sa më shpejt pjesë e procesit.
Aplikimi në sportele është hapi i parë i domosdoshëm, për të përfituar prej njërit nga pesë Programet e Rindërtimit, ndërsa mbi 260 punonjës të dedikuar në sportele janë në dispozicion për t'ju orientuar dhe asistuar në të gjithë bashki”, shprehet ministri Ahmetaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
