Policia ka arrestuar drejtuesin e punimeve të OSSH Memaliaj, pasi ditën e djeshme dy elektricistë ranë në kontakt me rrymën elektrike, ndërsa njëri prej tyre humbi jetën.
Shërbimet e Komisariatit të Policisë Tepelenë arrestuan në flagrancë për veprën penale "Shkelja e rregullave të mbrojtjes në punë", shtetasin A. Zh., 51 vjeç, banues në Memaliaj, me detyrë drejtues i punimeve të grupit të OSSH Memaliaj.
Arrestimi i tij erdhi pasi ditën e djeshme, gjatë riparimit të linjës elektrike në fshatin Çërrilë, Memaliaj, dyshohet se për shkak të moskryerjes së kontrollit dhe mungesës së monitorimit në punën e elektricistëve, janë dëmtuar dy elektricistë, shtetasit A. H. dhe A. M.
Ky i fundit ka ndërruar jetë pas disa orësh, në Spitalin e Traumës në Tiranë.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
