Aksident me pasojë vdekjen e një personi ka ndodhur në orët e para të mëngjesit të sotëm në lagjen Nr. 13 në Durrës.
Ngjarja ka ndodhur rreth orës 04:30, në zonën e plazhit, ku një automjet i drejtuar nga shtetasi G. Gj., 39 vjeç, banues në Kavajë, ka dalë jashtë kontrollit në një rrugë dytësore dhe është përplasur dhunshëm me bordurën anësore të rrugës.
Si pasojë e përplasjes, ka ndërruar jetë në vendngjarje pasagjeri që udhëtonte në mjet, shtetasi L. L., 48 vjeç. Menjëherë pas përplasjes, drejtuesi i mjetit është larguar nga vendi i ngjarjes.
Policia dhe grupi hetimor kanë rrethuar zonën dhe po punojnë intensivisht për zbardhjen e plotë të rrethanave të aksidentit, si dhe për lokalizimin e kapjen e shoferit të arratisur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
