Inspektorati Kombëtar i mbrojtjes së Territorit (IKMT) ka nisur sot aksionin për prishjen e objekteve në vijën bregdetare të Radhimës.
Është përshkallëzuar situata teksa pronarët e objekteve janë përleshur me policinë e cila së bashku me IKMT ka vijuar sot prishjen e një hoteli 3-katesh ne Radhimë.
Sipas IKMT kjo ndërhyrje po bëhet nëpër objekte të cilat nuk janë klasifikuar nga procesi i legalizimit. Ndërkohë ndërhyrje është kundërshtuar nga pronarë të hotelit.
Mësohet me dije se janë 10 objekte që përfshihen në planin e prishjes, kjo pasi ato nuk janë legalizuar dhe janë përjashtuar nga procesi i legalizimit.
Sipas IKMT-së, pronarët janë lajmëruar që javën e kaluar.
Nga ana tjetër, pronarja e hotelit Arleta Havari, tha se hoteli dhe beach-bari janë në proces legalizimi dhe se që prej muajit dhjetor ia ka dhënë me qira një shtetaseje italiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
