Një zjarr ka rënë pak pas mesditës së sotme në një prej bizneseve në afërsi të Leskovikut.
Nga informacionet paraprake mësohet se zjarri ka përfshirë një prej shtëpive të drurit që ky biznes agroturizmi ka.
Një zjarrfikëse nga Kolonja dhe një tjetër nga Leskoviku, së bashku me policinë kanë mbërritur në vendngjarje.
Nga zjarri nuk ka dëme në njerëz por e gjithë banesa prej druri është djegur dhe ka dëme të shumta materiale.
Sipas të dhënave, dyshohet se zjarri është ndezur nga vetë pronarja e biznesit, ku për shkak të pakujdesisë ka marrë përmasa dhe ka qenë e pamundur të ndërhyhet nga vetë pronarët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
