Punëtori i huaj humbi jetën nga rënia nga lartësia, arrestohet inxhinieri i ndërtimit, në kërkim dy të tjerë

Humbja e jetës së një punëtori të huaj ndërtimi një ditë më parë, ka vënë në pranga inxhinierin e firmës dhe ka shpallur në kërkim dy të tjerë.

Efektivët e komisariatit Nr. 2 në Tiranë, arrestuan shtetasin D. H., 32 vjeç, me detyrë inxhinier i një firme ndërtimi.

Gjithashtu shpallën në kërkim shtetasit E. K., 34 vjeç, me detyrë administrator i firmës, dhe R. J., 75 vjeç, me detyrë drejtues teknik, pasi dyshohet se si pasojë e shkeljes së rregullave të mbrojtjes në punë, ditën e djeshme ka rënë nga lartësia e një pallati në ndërtim shtetasi i huaj V. N., 47 vjeç, i cili për pasojë ka humbur jetën.

Aktualisht po punohet për kapjen e dy shtetasve të shpallur në kërkim, ndërkohë që hetimet për ngjarjen janë në vijim.