Një 42-vjeçar është arrestuar nga policia e Tiranës, pasi dyshohet se ka vjedhur një shumë parash në një dyqan, duke kanosur punonjësen me thikë.
Shërbimet e Komisariatit të Policisë Nr. 4, në vijim të punës për zbardhjen e vjedhjeve dhe identifikimin e autorëve, organizuan dhe finalizuan operacionin e koduar “Tools”, në bashkëpunim me shërbimet e DVP Durrës.
Si rezultat i këtij operacioni, u kap dhe u vu në pranga shtetasi në kërkim B. Sh., 42 vjeç, banues në Tiranë, i dënuar më parë për vjedhje.
Ky shtetas dyshohet se më datë 01.04.2026, në rrugën “Kongresi i Manastirit”, ka vjedhur xhiron ditore të një dyqani, duke kanosur me thikë punonjësen e subjektit.
Gjatë operacionit janë sekuestruar thika e dyshuar e përdorur në ngjarje, si dhe veshje që dyshohet se janë përdorur gjatë kryerjes së vjedhjes.
Policia bën me dije se vijon puna për dokumentimin e rasteve të tjera të mundshme të kryera nga ky shtetas.
Materialet procedurale i janë referuar Prokurorisë së Tiranës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
