Parandalohet një ngjarje e mundshme kriminale në familje në Elbasan, ku një burrë ka ushtruar dhunë fizike ndaj gruas dhe e ka kanosur me armë.
Pas kallëzimit të marrë nga shtetasja M. P., se bashkëshorti i saj e dhunonte dhe e kishte kanosur me armë zjarri, uniformat blu kanë ndërhyrë duke prangosur të dyshuarin.
Nga ana e efektivëve të policisë u bë ndalimi i Luan Pjetri, 44 vjeç, banues në lagjen “Vullnetari”, Elbasan, për veprat penale “Dhuna në familje” dhe “Mbajtja pa leje dhe prodhimi i armëve, armëve shpërthyese dhe i municionit”.
Gjatë kontrollit të ushtruar në banesën e tij, shërbimet e policisë kanë gjetur dhe sekuestruar një armë zjarri automatik.
Ndaj të dyshuarit hetimet janë në vijim, ndërkohë që materialet iu referuan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
