Gjykata e Tiranës ka lënë në burg pa afat 34 vjeçarin, Erdet Çapoku, i cili akuzohet për vrasjen e kunatës së tij Enkeleda Çapoku në Paskuqan.
Para gjyqtarit Lazer Sallaku, ai është shprehur se nuk mban mend ngjarjen, por ka pranuar krimin.
Ndërkohë, gjyqtari e cilësoi të ligjshme kërkesën e organit të akuzës pasi sipas tij ekziston mundësia e largimit të dyshuarit, po ashtu edhe mundësia për prishjen e provave.
Avokati i të pandehurit kërkoi 30 ditë burg deri në aktin e ekspertimit të gjendjes së tij mendore, por gjykata e rrëzoi këtë kërkesë.
Kujtojmë që ngjarja e rëndë ndodhi në orët e vona të 9 Janarit, ku Erdet Çapoku teksa ndodhej në gjendje të dehur, shkelmoi derën në banesën ku jetonte Enkeleda Çapoku, nusja e vëllait të tij së bashku me të ëmën dhe vajzën 17 vjeçe, duke e lënë të vdekur këtë të fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
