Gjykata rrëzon kërkesën e Arbër Çekaj për të u gjykuar me procedurë të zakonshme. Mësohet se më herët Çekaj i akuzuar për trafikun e kokainës në kontejnerët me banane nga Amerika Latine kishte kërkuar të mos gjykohej me gjykim të shkurtuar, por me procedurë të zakonshme.
Ndërkohë që Gjykata e Posaçme ka hedhur poshtë kërkesën e tij. Në shenjë proteste Arbër Çekaj ka braktisur seancën dhe ka deklaruar që nuk do të mbrohet më nga dy avokatët Maks Haxhia dhe Neshat Fana.
Kjo deklaratë e Çekajt lidhur me avokatët e tij mbrojtës, duket se do të minojë procesin, dhe nuk dihet nëse është një truk ligjor nga ana e të pandehurit.
Seanca e radhës u shty për në 7 maj ku prokuroria do të paraqesë konkluzionet dhe gjykata do të japë vendimin.
Kujtojmë se pak ditë më parë policia ka sekuestruar në Portin e Durrësit 49 kg kokainë e fshehur në një kontejner me banane që i përkiste Selim Çekajt, babait të Arbër Çekajt.
Konteineri me 49 kg kokainë kishte një muaj nën vëzhgimin e autoriteteve dhe ishte e ndarë në 31 pako e vendosur në shtyllat anësore të tij. Ai u la në burg nga gjykata.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
