Një automjet tip “Opel Zafira” ka marrë flakë në ecje e sipër në qytetin e Vlorës, duke krijuar panik. Makina është shkrumbuar tërësisht, ndërsa zjarrëfikësja kur mbërriti nuk kishte asgjë për të bërë.
Ngjarja ka ndodhur sot rreth orës 09:30, në lagjen “Partizani”, Vlorë.
Drejtuesi i mjetit, i identifikuar si Ramazan Dëraj ka parë të dilte tym nga pjesa e motorit dhe ka dalë jashtë duke tentuar të fikë flakët.
Ai thotë që shkaku ishte një shkëndijë elektrike, të cilën e konfirmon edhe pasagjeri që ishte në mjet.
“Doli tymi, zbrita nga makina, ajo vazhdoi. Impianti mesa duket. Makina kishte 2 orë e fikur. E kam me naftë. Për çerek ore mbaroi, i hodha ujë sa kisha mundësi. Sa erdhi zjarrfikësja kishte mbaruar”, tha drejtuesi i mjetit.
Grupi hetimor po punon për zbardhjen e rrethanave të ngjarjes dhe përcaktimin e shkakut të rënies së zjarrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
